سعد الصغير: تربطنى بأسرة بوسى علاقات قوية..وحليت مشاكلها مع والدها

قال المطرب الشعبي سعد الصغير، أنه تربطه بأسرة المطربة الشعبية بوسي علاقات قوية، وهو ما دفعه للتدخل من أجل حل المشكلة بينها ووالدها قائلاً : «كنا بنخلص شغل الهرم وننام عند بوسي، لأن عندها فيلا دورين».

وأضاف الصغير، في حواره مع الإعلامية بسمة وهبة، مقدمة برنامج «العرافة»، على قناة النهار: «بوسي اتصلت بي وقالت لي الحقني وليد فطين ممضيني على 28 إيصال أمانة، ورحت لها المحكمة وهي عليها 30 إيصال أمانة».

واوضح سعد الصغير : «وليد فطين مات، ولما كان عايش جابت له ناس وضربته بالشبشب على وشه، وطلب 4 ملايين جنيه منها، اديته مليون جنيه واتحبس، مكنش المفروض تحبسه، وأقول إن بوسي هي اللي حبست وليد فطين واعترفت أن هي اللي حبسته».

واختتم حديثه قائلاً قلت لوالدها أنت تسببت في إيذاء بوسي، ماكنتش لاقية تاكل وأنت بتروح تسهر والواحد مش عاوز يتكلم، وكنت عاوز أصالحهم متابعاً : أبوها غلط في حقها، لكن والمصحف ما كانت بتبعت له جنيه، ولا كانت بتدي لأخواتها حاجة، واشتريت له بـ250 ألف جنيه تكييف وشاشات وغيرها وذلك من تبرع فاعل خير، لأنه كان يعيش في خرابة، ولو هي تمام وعندها دم تطلع الـ250 ألف جنيه لله، لكن هي أخدت الشقة بالعفش اللي إحنا جايبينه، وهي شقة والدتها، والمفروض تدينا الحاجة اللي جبناها لأبوها.